Ќе биде ли Ѓоковиќ „лошото момче“ во тенисот? – Поддршка на Ноле му дадоа голем број пријатели, меѓу кои и ќерката на Цеца

Огромна поддршка пристигнува на адресата на првиот српски рекет поради дисквалификацијата на УС опенот, поради ударот врз линијскиот судија.

Меѓу првите се огласи неговата сопруга Јелена, а по неа Анастасија Ражњатовиќ.

За потсетување, Ѓоковиќ веднашш по инцидентот се огласи на социјалните мрежи и ја расплака цела Србија.

-Оваа ситауција ме направи тажен и празен. Судијката е добро, не би сакал да кажам како се вика, битна е нејзината приватност. Многу ми е жал што и нанесов таков стрес. Не беше намерно.

-А, за мене ова непријатно искуство, сакам да го претворам во важна животна лекција, за да можам и понатаму да растам како човек, но и како тенисер, напиша Ноле.

По овој инцидент се огласи и освојувачот на седум Гренд-слем титули, Џон Мекинро (САД), кој кажа дека по дисквалификацијата на УС Опен, Новак Ѓоковиќ е веќе стана „лошото момче“ на тенисот.

Експертот за „Еуроспорт“, познат по насилниот темперамент и остриот јазик, рече дека не очекувал таков чин од Србинот, особено во ситуација кога тој е очигледен фаворит.

– Притисокот му дојде премногу. Ѓоковиќ ќе биде „лошото момче“ до крајот на својата кариера, сакал тој или не. Ако ја прифати оваа улога, мислам дека ќе може да се опорави. Многу се случи околу него во последните месеци, но она што се случи синоќа е дамка што Новак нема да може да ја избрише – изјави популарниот „Биг Мек“ за „ЕСПН“.

Според Мекинро, важно е многу како од оваа ситуација ќе излезе познатиот тенисер. Останува да видиме што ќе покаже времето, и дали навистинаНовак за светот ќе стане „лошото момче“ или овој момент ќе биде заборавен во тенискиот свет.