Урбан фраер со софистициран стил – ова е сопругот на министерката Радмила Шекеринска, изгледа како холивудските актери
Актуелната министерка за одбрана Радмила Шекеринска се труди секогаш својот приватен живот да не го изложува пред очите на јавноста, но понекогаш на социјлните мрежи знае да сподели и по некоја семејна фотогафија.
Од 1993 година Шекеринска е избрана за член на ЦО на СДСМ во неколку мандати.
Зборува англиски и француски јазик и исто така е автор на повеќе научни и стручни трудови од својата област. Добитник е на наградата “Глобални Водачи на Утрешнината“ што ја доделува светскиот економски форум.
На панелот за унапредување на Агендата „Жени, мир и безбедност“ во Западен Балкан во рамки на „Преспа форум дијалог“ зборуваше за жените политичарки и гордо истакна што таа постигнала во политиката и дека може да стои рамо до рамо до мажите политичари.
Таа посочи дека сега, три или четири години подоцна, дури и оние, како што рече, т.н. „мачо-мажи“ не само во војската, туку и во општеството, мора да признаат дека жена во Министерството за одбрана ја понесе земјата кон НАТО и го помина прагот на Алијансата.
„Жена успеа после подолг период да го зголеми одбранбениот буџет, да ги зголеми платите, да ја подобри транспарентноста, да ги зголеми пензиите, да го подобри квалитетот на работа и живот во Армијата, истовремено не занемарувајќи го прашањето на родовата рамноправност, во ниту еден момент“, рече Шекеринска.
Министерката долги години е во брак со Божидар Јанковски со кој ја имаат и ќерката Ада.
Божидар е урбан скопски лик, низ градот познат кко Бобо Дајнерс кој отсекогаш важел за еден од најпосакуваните мажи во земјава.
Мора да се признае дека е еден од ретките, добро стилизирани мажи и секаде каде што ќе се појави привлекува внимание.
Бобо и Радмила се трудат да го сочуваат својот семеен мир и хармонија далеку од очите на граѓаните.
Секој слободен момент го користат да го поминат со ќеркичката Ада, а најголем спокој имаат во нивната викендичка во Маврово.
Министерката сподели фотографија со својата ќерка и сопругот на која утрински уживаат во бурек во блиската пекара.
„За еден толку убав ден! Сонце, мирно маало и топол бурек“, напиша Шекеринска на Фејсбук.
Во една емисија на која гостуваше Бобо, министерката одлучи да му приреди изненадувае заедно со својата ќеркичка.
Во емисијата пристигна цртеж направен од малата Ада и Радмила, на кој Бобо е опишан како најдобар татко, кој им помага на другите луѓе и свири гитара.
Бизнисменот беше доста изенаден и воодушевен од ваквиот гест.
На профилот на министерката се најде и уште една фотографија направена со „весело друштво“. На неа таа позира со сопругот, нивната ќерка и уште две дечиња.
„Дома си е дома особено со весело друштво,“ напиша таа на фотографијата која ја објави на нејзиниот фејсбук-профил.
Инаку, Шекериска во едно свое интервју кажа дека не е од оние мајки кои ги планираат животот и иднината на своите деца.
Вели дека Ада е весело, позитивно, на моменти срамежливо дете. Точно знае кога некому му треба топла прегратка или убав збор.
Најмногу уживаат во моментите поминати заедно. Како и сите други семејства и тие знаат заеднички да приготват по некое јадење дома, а Ада најмногу сака да пече палачинки со својата мајка и да прави леб и пица со својот татко.
ФОТО: Фејсбук
ФОТО: Фејсбук
ФОТО: Фејсбук
ФОТО: Фејсбук
ФОТО: Фејсбук
ФОТО: Фејсбук
