Свештеник го започнал 40-дневниот пост на Исус – еве само колку дена издржал
Свештеник во Мозамбик го загубил животот откако се обидел да пости 40 дена онака како што е наведено во Библијата дека постел Исус Христос, се вели во извештаите.
Франциско Барајах, кој ја основал евангелистичката црква Санта Триндад, починал во болница во градот Беира, каде што бил пренесен во критична состојба.
До моментот кога 39-годишникот достигнал 25 дена без храна, а изгубил толку многу тежина што повеќе не можел сам да стои на нозе.
Следбениците на неговата црква и роднините биле толку загрижени за неговата благосостојба што постојано инсистирале тој да побара лекарска помош, објави Би-Би-Си.
Откако пристигнал во болницата, му била дијагностицирана акутна анемија и откажување на органите за варење, а лекарите не можеле да го спасат.
Според она што го објави Би-Би-Си, свештеникот бил и наставник по француски јазик во градот Месика.
Членовите на неговата црква рекле дека е вообичаено за свештеникот и неговите следбеници да постат, но не такви екстремни пости.
Библиското евангелие според Лука вели дека по неговото крштевање, Исус бил одведен од Духот во пустината, каде што постел 40 дена. Евангелието според Матеј понатаму вели дека постот траел „четириесет дена и четириесет ноќи“.
Во приказната е наведено како Исус бил искушуван од ѓаволот, но тој истрајал и го поминува тестот.
Во зависност од личноста, луѓето можат да живеат без храна долго време. Според Medical News Today, добро нахранет маж со тежина од околу 70 килограми може да преживее меѓу еден и три месеци без јадење.
Меѓутоа, луѓето кои доброволно престанале да јадат со штрајкови со глад, почина-ле по 45 до 61 ден без храна, се вели во публикациите, сугерирајќи дека лицето веројатно нема да преживее три месеци без храна, дури и ако е добро хрането.
Да се преживее без вода е друга работа. Луѓето обично умираат по околу три дена без да пијат никакви течности.
Според Би-Би-Си, братот на Барајах рекол дека свештеникот страдал од висок крвен притисок уште пред да започне со постот.
Барајах не е првата личност која е пријавена дека умрела обидувајќи се да го имитира 40-дневниот пост на Исус Христос во пустината.
Според Би-Би-Си, маж од Зимбабве починал по 30 дена, а во 2006 година една жена починала во Лондон кога била на половина пат на сличен пост.
ФОТО: Принтскрин
ФОТО: Принтскрин
