Влатко Лозаноски – Лозано ја објави новата песна „Не те вадам од памет”.
За новата песна, Лозано сними и видеоспот на кој како режисер се потпишува Даниел Јовески. Спотот е снимен на неколку локации во земјава, а покрај Лозано во него се појавува и главната улога ја има и Мартина Михајловска.
Ова е нешто ново и можеби поразлично од мене досега. Убеден сум дека ќе ѝ се допадне на публиката и со нетрпение чекам да ја испеам на концертот на стадионот “Билјанини извори” – вели Лозано во неговата куса изјава.
Поранешната водителка на естрадниот магазин „Бекстејџ“, манекенката Мартина Михајловска, пред неколку месец стана мајка на ќеркичката Алана. Таа е во брак со охридскиот бизнисмен Виктор Илоски. Свадбата беше минатото лето во Охрид во присуство на најблиските роднини и пријатели на малденците.
