Погледнете како изгледа луксузната вила која што Шакира ја продава за 11.6 милиони долари
Куќата е уредена во минималистички стил
Вилата на познатата пејачка и танчерка Шакира се наоѓа во Мајами и се простира на имот од две илјади квадратни метри. Има базен и преубави тераси, седум тоалети и шест спални соби, а се продава за 11.6 милиони американски долари. Во поголемиот дел од домот доминира дрвен под, а во централниот дел од куќата се наоѓа дневната соба со трпезарија и кујна. Некои делови потсетуваат на колумбискиот и либискиот стил, а во домот има посебно место и за наргилето.
Куќата поседува и голема теретана, работна соба, како и посебна соба за медиуми!
Од задниот дел на куќата се излегува на голем базен покрај кој се наоѓа бар и простор за ручек и дружење со пријателите. Целиот простор е опкружен со високи палми и совршено обликувана жива ограда.
