„Не сонувам да се омажам и да имам деца“- нашата позната водителка се исповеда на социјалните мрежи
Многумина ја препознаваат од ТВ екраните, а сега откри која е нејзината животна желба.
Јелена Спенџарска важи за една од најубавите и најзгодни македонски водителки, а сега на Инстаграм поискрена од било кога откри дека нејзина најголема желба е да биде финансиски независна и да го прошета светот.
Во објавата на Инстаграм таа вели дека не сонува да се омажи или да има деца што побрзо, иако вели дека доколку дојде спонтано би било убаво.
„Не сонувам дека треба да се омажам. . или да имам деца што побрзо. Мислам, се е тоа убаво ако ми се случи спонтано и во свое време ама моментално не е мојата животна желба.
Повеќе посакувам да бидам финансиски независна и да можам да го прошетам светот. Да ја изрентам секоја куќа која ќе ми се допадне и да живеам во неа сè додека ми е убаво таму.
Не сонувам ни за венчаница! Никогаш ја немам ни замислено како ќе изгледа или како ќе стои на мене. Можеби повеќе се имам замислено во комбинации кои ќе ги носам кога сум опкружена и работам со деловни луѓе кои мотивираат со своите бизнис идеи и ја живеат својата финансиска слобода!“ вели Спенџарска.
Таа додава дека нејзините соништа се само нејзини и не очекува другите да имаат исти како нејзините.
„Генерално, не сонувам за ништо за кое ме научиле дека треба да сонувам. Моите соништа се само мои. Не ни очекувам другите да имаат исти како моите и веќе ми е смачено да гледам како на жените им се продаваат една те иста приказна.
Не има толку многу жени, има толку многу соништа за секоја од нас … време е да престанеме да сонуваме еден ист!!!“ пишува Спенџарска на својот Инстаграм профил.
Таа е често активна на социјалните мрежи па во последно време често многу често не воодушевува со своите модни комбинации.
Јелена умее да си поигра со боите и секогаш да извлече совршена и шик комбинација.
Водителката знае да ги почести фановите и со фотографии во бикини, но и по некоја фотографија која ја „скокотка“ машката фантазија.
Јелена минатата година доби виза за во Америка за која тогаш напиша дека е земја од нејзините соништа.
Спенџарска на својот профил на Инстаграм сподели информација дека конечно добила виза за Америка и дека наскоро планира да ја посети оваа земја. Судејќи според нејзината фотографија, а и коментарот што го остави под неа, убавата водителка е пресреќна што наскоро ќе има можност да се прошета и да ја посети Америка, а ние со нетрпение ги чекаме нејзините први фотографии.
Еве што напиша таа на Инстаграм:
„Никогаш не сум била во Америка, не зашто не сум сакала, туку едноставно чувствував во себе дека не ми е вистинското време за таму. Не знам како конкретно да ви го објаснам ова. Нешто ми кажуваше да почекам зашто денот кога ќе стапнам таму ќе биде буквално остварување на сè што претходно си имам замислено за себе и својот живот.
Чекав многу години и слушав разни ваши приказни каде сте биле, како сте поминале, што сте виделе и доживеале и никогаш не бев нестрплива и никогаш не се запрашав кога ли е моето време. Никогаш. Само знаев дека ќе дојде.
Бев на интервју кај една толку прекрасна госпоѓа во амбасада која со насмевка ме праша неколку прашања поврзани со моето патување таму.
Не поминаа ни пет минути, а јас веќе слушнав од неа – Enjoy your stay!
Така се насмеав од срце, излегов од просторијата и тие отприлика сто скали до другата просторија кај што ми беа личните работи ги поминав со солзи во очите. Надвор истураше, а мене ми беше преубаво. Немате појма колку бев возбудена и колку му бев благодарна на животот за тоа мало зелено ливче кое го имав во рацете на кое пишуваше visa approved!
Знам дека сега ќе си речете – ’Еее голема работа добила виза‘, но не е баш така. Јас емотивно сум врзана за оваа виза и таа е голем, голем дел од мојата душа и уште поголем зашто се случува во вистинско време кога во мојот живот се случуваат големи трансформации.
Не се селам, да се разбереме, одам малку да прошетам и да одморам. Уште поинтересно е што тој одмор ќе биде на океан, во бикини практично уште еден сон кој ми се остварува од години нананзад. Одиме со сестра ми и Љубљана во недела наутро.
Ќе биде забавно долгото патување со малата со оглед што се ја интересира и се сака да види и да фати Имам толку многу да напишам, но би сакала да скратам.
Само сакам да знаете: – Можеш да бидеш СЕ што ќе посакаш! – Можеш да имаш СЕ што ќе посакаш! – СЕ во животот е возможно!
California, here we come“ напиша тогаш Јелена.
Во продолжение погледнете уште неколку нејзини шик изданија за кои сме сигурни дека ќе ви се допаднат.
