Милиони деца умираат поради неухранетост во 21 век – ова е најужасното место на нашата планета, а сé за е виновна една земја

Не само што децата гинат во бомбардирање, туку повеќето од нив умираат од глад, нешто што кога ние луѓето барем малце би биле понормални, или похумани, барем тоа би можело да се избегне.

Фото: АП

Меѓународната хуманитарна организација „Save the Children“ проценува дека починале голем број, можеби и преку 850.000 деца, помлади од пет години поради неухранетост за овие три години додека трае војната во Јемен.

Организацијата наведе дека тоа е „конзервативна“ проценка заснована само на просечните стапки за акутната неухранетост која, според Обединетите нации погодува повеќе од 1.3 милиони деца во Јемен од кога арапската коалиција предводена од Саудиска Арабија влезе во војна против јеменските Хути бунтовници во март 2015.

Децата не умираат само во бомбардирање, туку повеќето од нив умираат поради глад, а тоа може да се избегне, соопшти директорот на организацијата „Save the Children“ во Јемен, Тамер Киролос, и додаде дека овие деца на овој начин неизмерно се мачат и умираат во тешка агонија.

Фото: АП

Војната во Јемен ја предизвика најтешката хуманитарна криза на светот, а Обединетите нации минатиот месец предупредуваа дека и до 14 милиони Јеменци се на работ на гладот. ОН се обидуваат да ги оживат преговорите и да ја завршат тригодишната војна во таа земја.