Македонката која стан хит во регионот: Теона Сима руши рекорди на Тик Ток и Инстаграм
Видеата на оваа девојка од Македоија рушат рекорди на гледаност на Инстаграм и Тик Ток.
Теона Сима стана хит на социјалните мрежи откако сподели видео на Тик Ток преку кое покажа дека зборува неколку јазици.
Македонија дефинитивно има со што да се гордее, а нашата младина има на кој да се угледа.
Македонката Теона која на Инстаграм е потпишана како The Language Blondiе, на забавен начин покажа како звучи македонскиот јазик кога го зборуваат странци.
Но, видеото во кое таа е во улога на презентер на вест од различни држави и на 8 јазици, со совршен акцент презентира вести од светот.
Токму поради совршениот изговор на повеќето јазици кои ги зборува, луѓето се прашуваат од каде е оваа девојка.
Убава, талентирана, навистина има што да му покаже на светот.
Дваесетгодишната Теона инаку е од Скопје, а во моментов е на студии по новинарство и психологија на Американскиот Универзитет во Бугарија.
Како што раскажа за Црнобело, член е во АУБГ Олимпикс и работи како водител на спортските настани и натпревари ки ги организира факултетот.
Течно зборува 5 јазици, разбира и може да води разговор на уште 3, а може да звучи како да зборува течно уште 5 јазика.
Бидејќи студира на англиски, така го усовршила тој јазик, француски учела во средно и на курс, бугарскиот го наушила бидејќи веќе живее таму, а за сите други јазици е самоука.
Нејзината цел на социјалните мрежи е со својата одлична смисла за хумор да ги забавува и насмее своите следбеници и навистина успева во тоа.
Светот допрва ќе слушне за оваа талентирана девојка.
Браво Теона!
ФОТО: Инстаграм / Теона Сима
ФОТО: Инстаграм / Теона Сима
ФОТО: Инстаграм / Теона Сима
