Го охрабри тоа што ќе стане татко – еве како реагираше Дарко Лазиќ на радосните вести
Вестите дека Марина Гагиќ, свршеничката на Дарко, е бремена, ги потврди и неговата мајка Бранка.
Среќната вест дека познатиот пејач наскоро ќе стане татко по втор пат, која доаѓа во овие тешки моменти за него, го израдува целото семејство, како и неговите пријатели, колеги и обожаватели. И додека на Дарко до скоро сите му упатуваа зборови на поддршка за побрзо да оздрави и се молеа за неговиот живот, сега сите му честитаат.
Веста дека Марина е бремена ја потврди и неговата мајка, Бранка, како и негвоиот пријател и менаџер, Миљан Врачевиќ.
„Веста дека ќе стане татко го охрабри многу и нема ништо поубаво од тоа. Тој уште од првиот ден беше насмеан кога му беше подобро, а сега е уште попозитивен. Во ниту еден момент не потклекна со духот“, открива менаџерот на Дарко за порталот Еспресо.рс.
Поради оптимизмот и добрата соработка со докторите, Дарко закрепнува брзо. Неговиот менаџер вели дека се уште не е префрлен на ортопедија, но дека ситуацијата оди на подобро и тоа благодарение на докторите кои го дале својот максимум за да му помогнат на пејачот.
На прашањето дали во болницата го посетува и неговата поранешна сопруга, Ана Севиќ, менаџерот на Дарко изјави дека одамна ја нема видено кај пејачот, но и дека нивниот однос воопшто не го интересира.
„Што ќе прават тие, тоа е нивна лична работа“, изјави тој.
