Еве зошто вашето куче треба да спие со вас на креветот
Понекогаш делењето постела со вашето милениче може да ви донесе многу придобивки.
Ова се само некои од причините зошто не треба да бидете строги кон вашето куче и да му дозволите да спие со вас на вашиот кревет.
Може да ве смири
Познато е дека кучињата помагаат во борбата против анксиозност и депресија. Доколку му дозволите на вашето куче да спие со вас, ќе доживеете значително намалување на стресот по хаотичниот ден.
Ќе се чувствувате безбедни
Постои причина зошто луѓето спиеле со кучињата уште во антички времиња. Нема никаква врска дали чувате питбул или малтешка пудлица, самото физичко присуство на кучето ќе направи да се чувствувате побезбедни.
Ќе ви помогне да спиете подобро
Некои луѓе тврдат дека ритмичкото дишење, срцебиење и смирувачкото присуство на кучето се најдобриот лек за несоница и значително го подобруваат квалитетот на сонот.
Ќе ја зацврсти вашата врска со миленикот
Спиењето во кревет со миленикот е пријатно и за кучето кое не сака ништо друго освен да биде со вас постојано. Секоја минута што ја поминувате заедно, дури и кога спиете, ќе ја зголеми лојалноста и послушноста на вашето куче.
Многу е удобно
Спиењето со вашиот вистински крзнен пријател е исто како да спиете до радијатор. Освен тоа, слободно можеме да кажеме дека кучињата се како плишани мечиња за возрасни.
