Кога ќе се спомене хороскопскиот знак Лав, многумина помислуваат на нарцисоидност и себичност. Не дека не ги поседуваат овие карактеристики, но, покрај нив, Лавовите имаат и добри страни кои ги прават супер-родители.
Жената Лавица е мајка-борец, таа е верна и лојална и секогаш до крај оди да се бори за своите сакани. Лавицата никогаш нема да дозволи некој да ги понижува нејзините деца, ниту пак блиското семејството. Оваа жена е амбициозна и се труди додека не дојде до својата цел. Знае што сака и за што вреди да се бори за себе и за своите блиски. Покрај мајакта Лавица, децата се чувствуваат сигурно и засолнето. Тие им влеваат самодоверба на личностите околу нив и секогаш се спремни да го дадат искрениот и точниот совет за во секоја ситуација.
Лавиците го сакаат животот и се подготвени да стекнат нови искуства и да добијат нови знаења. Оптимисти се, при што нивните сакани секогаш се чувствуваат пријатно покрај нив. Речиси никогаш не ги лажат своите сакани, а ниту пак се лажат себеси. Не озборуваат и секогаш директно ги кажуваат работите в лице, при што и нивните деца ги учат на вакви навики.
Лавицата сака искрено, страсно и не гледа назад. Нејзиното срце е полно со љубов, а кога на нејзините деца ќе им излезе некој проблем, тие знаат како да се справат со него, иако можеби претходно не направиле детален план за тоа.
