Заборавете на тешките вежби: Трик од 10 секунди за брзо отстранување на вишокот килограми
Тајната се крие во оваа утринска навика.
Тајната се крие во оваа утринска навика. Имено, многумина тврдат дека не би требало често да застанувате на вагата доколку сакате да ослабите, но една нова студија покажува дека можеби токму редовното мерење на килограмите е клучниот чекор во нивно отстранување.
Студијата која била спроведена од Елина Хеландер со своите колеги од универзитетот во Финска, на примерок од 40 луѓе кои застанале на вага вкупно 2.828 пати, покажала дека луѓето кои секојдневно се мерат, побрзо ги отстрануваат килограмите. Спротивно на тоа, нередовното мерење на некој начин придонесува за покачување на килограмите.
„Наутро кога ќе се разбудите, отидете во тоалетот, а веднаш потоа застанете на вагата, секој ден“, вели фитнес тренерот Маршал Рој. „Килограмите може да варираат од ден во ден, но кога секојдневно ќе ги гледате тие бројки, можете да следите дали добивате или губите килограми.“
И универзитетот во Минесота анализирал 1.800 луѓе кои секојдневно се мереле, па се покажало дека во период од две години, со помош на овој трик, тие ослабиле за околу пет килограми, додека пак оние кои на вагата застанувале еднаш неделно, ослабиле само два килограми. Иако оние кои се обидуваат да ослабат не уживаат баш во мерењето, научниците велат дека вагата ви е подобар пријател отколку што мислите. Во секој случај, тоа не може да ви наштети, а ви се потребни само 10 секунди. Па, зошто да не се обидете?
