Викенд рецепт: Тестенини со зеленчук

Нашиот предлог за денешниот ручек е тестенини со зеленчук во кој веруваме дека ќе уживате.

ФОТО: bettycrocker.com

Потребни состојки:

  • 300 грама тестенини по избор
  • една конзерва црвен грав
  • 200 грама сок од домати
  • едно чешне лук
  • малку целер
  • помала тиквичка
  • сол, бибер
  • свеж или сушен босилек

Начин на подготовка: Исечкајте го лукот и запржете го на маслиново масло, па додајте исечкан целер и тиквичка. Динстајте. Пред крај ставете го сокот од домати и гравот, зачинете по желба и оставете малку да вари. Сварените тестенини прелијте ги со довиената смеса и декорирајте по желба.

Совет плус за тестенините: За да сварите совршени тестенини, водата мора да зоврие, затоа што скробот кој го содржат тестенините се испушта во првите неколку минути варење. Затоа, почекајте водата да зоврие, за да не ви се лепат тестенините. Имајте на ум дека тестенините треба да ги варите во големо тенџере за да имаат доволно место.

Facebook Comments
(Visited 28 times, 1 visits today)