Тука јагнешкото е поезија, а прасечкото печење друга димензија – сочна идеја за бегство од градот
Што да ви препорачаме? Ух, изборот е голем. Најдобро, што ќе ви се „падне“ - јагнешко печење, прасечко, јагнешка дроб сарма, јагнешки крезли, чадено крапче, плескавица во лиснато, ѓомлезе, комад, превкусно овчо сирење...Изгледнете се претходно добро.
На само 3 километри од Охрид, во срцето на селото Велгошти, се наоѓа Етно куќа Св. Петка – место каде што традицијата и вкусот се спојуваат во едно незаборавно гастрономско искуство.
Селото, сместено на 750 метри надморска височина, нуди прекрасен поглед на Охридското езеро и е дом на манастирот Св. Петка, кој е инспирација за името на ресторанот.
Уште на самиот влез во ресторанот ќе бидете прегрнати од топлата атмосфера, и набргу ќе забележите дека тука секој детаљ е внимателно уреден во традиционален македонски стил.
Менито на Етно куќа Св. Петка е вистински рај за љубителите на македонската кујна. Традиционалните рецепти, пренесени од генерација на генерација, се подготвуваат со љубов и посветеност.
Меѓу најпопуларните јадења се ѓомлезето, питулиците, месените специјалитети и селската тава. Секое јадење е подготвено со домашни состојки, што гарантираат автентичен вкус.
Една од највпечатливите понуди на менито е плескавицата во лиснато тесто со шест видови сирења: моцарела, гауда, плаво сирење, пармезан, топено сирење и чаден кашкавал. Вистински гурмански уживање, кое ќе го задоволи и најпребирливиот вкус.
За јагнешкото и свинското печење може да зборуваме со часови.
Гостите на Св. Петка често споделуваат свои искуства и впечатоци.
Еден посетител објаснува: „Од моментот кога влеговме, бевме пречекани со топлина и љубезност. Храната беше извонредна, а атмосферата создаде чувство како да сме дома.” Друг пак, споделува: „Ова е најдобриот ресторан во Охрид. Секој залак е исполнет со автентичен вкус на Македонија.”
Етно куќа Св. Петка не е само ресторан; тоа е место каде што можете да уживате во природата, да се опуштите и да се вратите кон корените на македонската традиција. Со својата близина до Охрид и манастирот Св. Петка, ресторанот нуди уникатно искуство за сите посетители.
Ако сте во потрага по место каде што вкусот на традицијата се на прво место, Етно куќа Св. Петка во Велгошти е идеалната дестинација. Не пропуштајте ја шансата да уживате во автентичната македонска кујна и да си создадете незаборавни спомени. Ние веќе си создадовме.
