Тетовчанецот ѕвезда на уличната мода во Виена – раскошна бунда што привлече камери

Модниот дизајнер Златко Јовановски, познат под етикетата ЈЗЈ, деновиве се прошета низ Виена и, претпоставувате веќе, привлече внимание.

Младиот дизајнер кој има само 28 години и веќе подолга листа на обожаватели меѓу кои и бројни познати личности, овојпат покажа како се носи „уличната мода“.

Резултатот? Не само привлекување на погледи, туку и прашања, па изјави… Всушност, Златко навистина од се знае да направи драматична модна сцена.

„Во Виена ме застанаа на улица, давав интервју за мојот стил“ – се пофали дизајнерот на социјалните мрежи.

Раскошната бунда е искомбинирана со црни лежерни патики, а изгледот е заокружен со кожени ракавици, чантичка со сличен дезен на бундата и трендовски очила за сонце.

Модна комбинација која само малкумина знаат да ја носат.