Не верувате дека вашата коса може да изгледа убаво и по носењето на шапка?!
Штипка, ќе ве посоветува и открие неколку трикови за тоа како во овој зимски период изгледате секогаш средено и притоа да не чувствувате студ !
Иако капите и шеширите се омилени модни додатоци секоја зима, косата, по нивното носење, најчесто изгледа несредено и наелектризирано. За да го избегнете тој момент, еве во продолжение неколку корисни совети .
За да вашата коса изгледа бујно и неодоливо по носењето на капа или шешир, неопходно е претходно добро да ја подготвите. Откако ќе ја измиете косата, нанесете пена за волумен и потоа исфенирајте ја косата. Доколку имате желба за поголем волумен, потполно вашата сува коса соберете ја во висока пунџа без притоа да ја зацврстувате со ластиче за коса и потоа ставете ја капата или шеширот. Капата ја загрева вашата глава и коса и со тоа го сочувува саканиот облик.
Откако ќе ја симнете капата, фризурата со леснотија можете да ја поправите ако на скалпот претходно имате нанесено малку пудра за волумен за коса. Исто така треба да внимавате од каков материјал на изработка се капите, шеширите кои ги носите. Избегнувајте синтетика, наместо тоа вашиот избор нека се сведе на волна, памук и кашмир. Внимавајте да капата не ве затега, бидејќи ќе оневозможи на вашата коса да дише и со тоа вашето теме почесто ќе се поти.
А доколку и понатаму имате проблем со наелектризираност по симнувањето на капата ставете, на дланките, силиконски капки и помините нежно со дланките низ косата.
