Се ближи новата година, а доколку вашата трпеза оваа година биде посна, тогаш за ручек подгответе ја оваа риба на манастирски начин која веруваме дека ќе ви се допадне.
Потребни состојки:
- 3 парчиња ослич
- 1 главица кромид
- сончогледово масло
- свеж магдонос
- Суви зачини: оригано, босилек…
- Маслиново масло
Начин на подготовка: Измешете ги сувите зачини, па со нив прелијте ја рибата која претходно сте ја исекле на парчиња. Оставете ја да стои околу 2 часа во фрижидер. Потоа ставете ја рибата на хартија за печење и прелијте ја со масло, по една лажичка на секое парче. Ставете алуминиумска фолија и печете околу половина час на 200 степени, а потоа отстранете ја фолијата и печете уште 10-тина минути. Во посебна чинија се става кромид и магдонос, маслиново масло и сол, па сето тоа се прелива преку врелата риба. Вратете ја фолијата на рибата и оставете ја да стои додека рибата не се олади. Добар апетит во новогодишните и божиќните празници!
