Кој не сака кифлички за појадок или вечера?
Пробајте го овој рецепт со тенко исечкана сланина поради која кифличките ќе бидат уште повкусни. Секако, можете да додадете и топено сирење, а потоа сето ова да го зачинете со омилените семиња. Избирајте помеѓу сусам, лен, ким, додајте крупна сол и уживајте во овие едноставни домашни кифлички.
https://www.instagram.com/p/BqO4ewlnWHH/?utm_source=ig_embed
Потребни состојки:
- 500 грама брашно
- 1 чаша кисела павлака
- 1 лажичка квасец
- 200 милилитри топло млеко
- 70 милилитри зејтин
- 2 лажички прашок за пециво
- 1 лажичка сол
- Малку шеќер
Начин на подготовка: Разматете го квасецот во топло млеко, со малку шеќер и оставете го да постои околу десетина минути, па измешајте го со останатите состојки. Тестото би требало да биде меко, но не и лепливо. По потреба додајте уште брашно или течност. Оставете го да постои околу 10 минути, а за тоа време вклучете ја рерната ан 200 степени, изматетеедно јајце и подгответе ги семките. Тестото поделете го на три дела и секој дел мотајте го во круг. Исечете кругови, полнете ги и замотајте ги во кифлички. Пред печењето намачкајте ги со разматено јајце, ставете сол и семките. Печете 15 минути додека не добијат убава боја.
