Парфемите се мешавина од миризливи, есенцијални и ароматични малса кои се користат за да им дадат на луѓето пријатни мириси.
Ароматичните соединенија кои ги даваат тие пријатни мириси во парфемите можат да бидат природни, добиени од растенијата или животните, или пак, тие да бидат добиени по синтетички пат.
Општо е познато дека парфемите постојат уште од времињата на најстарите цивилизации, како што се на пр. Месопотамија и Египет, но исто така познато е и дека парфемите, т.е начинот на нивната дестилација, се споменува во индиските веди. Модерното производство започнува во XIX век и денес оваа индустрија има досегнато едно своевидно совршенство. А дека тоа е така, еве само неколку примери од кујните на големите мајстори кога се во прашање овие есенцијални, мирисливи масла.
Stella McCartney L.I.L.Y eau de parfum
Втор парфем од Стела Мек Картни инспириран од среќното и безгрижно детство. Ја потсетува на мајка и Линда и на името што и го дал татко и Пол – L.I.L.Y, кратенка од „Linda I love you“. Главната мирисна нота на парфемот доаѓа од момината солза во комбинација со основата од дабов мов и горни ноти од тартуф. Доаѓа во прекрасно арт-деко шише.
Vera Wang Princess Night eau de toilette
Новиот парфем од Вера Ванг е гламурозен и егзотичен почнувајќи од неговото светкаво лилјаково шише до разиграната мирисна комбинација од јасмин, цвет од портокал, и нијанса на роза. Вечерен мирис за девојки кои сакаат да се забавуваат.
Calvin Klein Sheer Beauty eau de toilette
Новиот цветен мирис изобилува со класична елеганција типична за Келвин Клајн, со горни ноти од бергамот, јагода, малина и праска, кои преминуваат во главната мирисна нота од божур, розов крин и јасмин, кои пак почиваат на блага основа од сандаловина, мошус и цвет од ванила. Чиста класа која ќе ги воодушеви сите љубители на овој бренд!
Clinique Wrappings
Прекрасна комбинација од зелени растенија како босилек и жалфија со бели цветови – јасмин, момина солза и зумбул, зачинета со елементи од дрва како чемпрес, индиска трева и дабова мов. Возбудлив, свеж и жив мирис. Порано можеше да се набави само во „Хародс“ во Лондон, но сега е достапен во широка продажба и може да се набави и преку интернет.
Vivienne Westwood Cheeky Alice eau de toilette
Комбинација од момина солза, божур и роза со основа од мошус и елементи од дрва. Претставен како „постарата секси сестра“ на веќе познатиот Naughty Alice на Вивиен Вествуд. Женствен и провокативен, токму како неговата креаторка!
Разлистај го мартовското издание на ShoppingMagazine.mk
со едноставен клик на копчето EXPAND!
Врати се на првата страна.