Тантела во боја на смарагдите: Принцезата ја засени и најпознатата британска модна икона

Војвотката од Кембриџ во тантела од глава до пети

Војвотката од Кембриџ, Кејт Мидлтон, се појави во прекрасно издание на гала вечерата „National Portrait Gallery“ на која што присуствуваа бројни угледни имиња. Таа со овој фустан успеа да ја засени дури и познатата британска трендсетерка Алекса Чанг и покрај тоа што се појави во едно од најубавите изданија за 2017.

Кејт за оваа пригода избра долг фустан од тантела во преубава смарагдно зелена боја. Фустанот е со дискретен појас во пределот на половината со кој дополнително ја нагласи нејзината беспрекорна линија, а станува збор за креација од еден од нејзините омулени брендови Temperley London. Војвотката од Кембриџ овој преубав фустан од тантела го носеше во комбинација со златни високи потпетици од Џими Чу и интересен накит.

И Алекса Чанг изгледаше одлично во овој фустан со интересни ракави и голи раменици, но сепак, остана во сенка на принцезата Кејт.

Па, која од овие две комбинации ви се допаѓа повеќе?