Сигурно многу пати сте пиеле чај од камилица, но овие придобивки од неа можеби и не сте ги знаеле
Камилицата уште се нарекува и кралица помеѓу чаевите. Оваа лековита билка е најечст избор кога сакаме да испиеме една чаша топол чај, посебно во време на настинки и грип. Нејзините лековити својства се познати од одамна, а најчесто ја пиеме кога имаме стомачни или желудочни тегоби.
Една чаша чај од камилица во текот на денот може да го намали ризикот од рак. Таа помага и при болести на желудникот, менструални болки или изостанување на менструација, како и други болки во стомакот. Ако патите од несоница, зголемена телесна температура, или забоболка, повторно можете да си подготвите чај од камилица. Таа ја ублажува болката, ги смирува грчевите, дезинфицира и делува противвоспалително. Се користи и за облоги, испирање рани, но и за смирување.
Одредени истражувања покажале дека поради антивоспалителното дејство, камилицата може да биде делотворна против страфилокока и кандида. Чајот од камилица исто така помага и при астма, а антиоксидансите ја штитат кожата од УВ зрачења. Исто така помага при акни, рани или различни иритации. Она што можеби не сте го знаеле е дека камилицата може да ви помогне полесно и побрзо да ослабнете.
