Неверојатен пресврт во случајот со убиството на Јелена Марјановиќ: Адвокатот изнесе информации кои ја шокираа јавноста

Според официјалниот наодот од најпознатиот патолог во Србија – под ноктите на Јелена Марјановиќ откриен е ДНК кој не е на нејзиниот сопруг!

Наодот на судскиот вештак патологот Др. Зоран Станковиќ стигна во Вишиот суд во Белград и во него се наведува причината за смртта на Јелена Марјановиќ односно повредите нанесени со тап предмет во глава, како и тоа дека пејачката е убиена на насипот за каде првично и се претпоставуваше дека е извршено убиството. Но, во наодот на вештакот се наведува и времето кога настанала смртта на Јелена Марјановиќ. На дваесет страни во наодот на патологот, кој е сочинет врз основа од обдукцискиот записник, но и од другите докази, се наведува дека базирајќи се на траговите од крвта е утврдено местото и начинот на убиството на пејачката. Утврдено е дека нема убодни рани, открива соговорник во истрагата, а пренесуваат српските медиуми.  Во наодот се додава и дека на ноктите на пејачката е откриен ДНК од машка личност, но дека НЕ станува збор за траг кој може да се поврзе со осомничениот за злочинот, нејзиниот сопруг Зоран Марјановиќ. На телото се констатирани одбранбени повреди, што значи дека Јелена сакала да се одбрани од убиецот, а сите оние теории дека рацете и се миени со варикина, дека Марјановиќи ги менувале плочките и паркетот во куќата по убиството, паѓаат во вода, вели еден од петте адвокати од одбраната на Зоран Марјановиќ, др. Вељко Делибашиќ.