„Прекрасна мајка“ – Доналд Трамп вака на Меланија ѝ ја честита годишнината од свадбата (фото)
Манекенката со словенечко потекло Меланија Кнавс стана трета сопруга на Трамп, но таа беше почестена со титулата прва дама на САД и тоа двапати.
47-миот претседател на САД Доналд Трамп и првата дама Меланија Трамп ја прославија 20-годишнината од бракот.
Во оваа прилика, вторпат избраниот шеф на државата покажа архивска фотографија од нивната венчавка во 2005 година.
„Среќна годишнина Меланија“, напиша Доналд Трамп.
На фотографијата идната прва дама на САД позираше во венчаница и вел, држејќи го за рака својот познат избраник.
На 22 јануари 2005 година, Доналд Трамп и Меланија Кнавс официјално се венчаа во капелата Бетседла бај д си, во Палм Бич, Флорида.
„Прославуваме 20 години со мојата прекрасна сопруга и нашата неверојатна прва дама Меланија. Ти си неверојатна сопруга и прекрасна мајка. Среќна годишнина прва дама Меланија Трамп! – напиша Трамп и покажа уште една заедничка фотографија со сопругата.
Една година по венчавката, Меланија го роди синот Барон, кој стана првото и единствено дете на парот. Барон дипломирал на Оксбриџ. По ова, младиот човек влегол на колеџ на Универзитетот во Њујорк.
Барон е единствениот од децата на Доналд Трамп кој живеел со него во Белата куќа, кога тој стана 45-ти претседател на САД, бидејќи синот на политичарот бил уште малолетен кога неговиот татко станал шеф на државата.
Во 2017 година, Доналд Трамп беше официјално избран за шеф на Соединетите држави за прв пат, а Меланија стана прва сопруга на претседател родена во странство од 1829 година. Меланија по потекло е од Словенија, а се преселила во САД за да работи како модел.
