Верниците го слават празникот посветен на Вера, Нада и Љубов – ако имате ќерка, задолжително подарете и нешто. Еве зошто!
На 30 септември се празнува денот во спомен на Римјанката Софија
На 30 септември е денот на познатата Римјанка Софија, која своите ќерки Вера, Нада и Љубов ги воспитала да имаат вера во себеси и во Бога, да имаат надеж во неговата добрина и љубов кон Севишниот и кон ближните. Празникот кој се празнува во спомен на Римјанката Софија е посветен на жените и нивните деца, првенствено ќерки. Се верува дека девојчињата треба да ги израдувате со некој подарок, колку и да е скромен, а ќе биде доволно и да им посветите внимание и да им покажете колку ги сакате. Исто така, како имињата на девојчињата, Љубов, Вера и Нада, станаа симбол на секој христијанин, народот смета дека на 30 септември треба да се воздржите од секакви зли мисли и да се посветите на љубовта кон ближните. На овој ден се празнува и именден на следниве имиња: Софија, Софка, Вера, Верица, Нада, Надежда, Натка, Љубе, Љупчо, Љубен, Љубомир, Љубосав, Људмил, Љуба.
