Поучна приказна за тоа како да се борите со тешките моменти

Една приквечер учениците се шетале покрај морето заедно со својот учител. Тогаш, еден ученик му пристапил на учителот и го прашал:

-Учителе, како да се бориме против патењето и тешките моменти?

Учителот не одговорил ништо на ова, само им дал знак на учениците да му се приближат на морето.

ADVERTISEMENT

Кога биле на линијата помеѓу морето и копното, тој рекол:

– Ајде сега борете се против морето!

-Да се бориме против морето?! Како мислите да го направиме тоа?

– Едноставно. Стојте на тенката линија и не давајте му на морето да дојде напред. Запрете го!

Учениците направиле како што им рекол учителот, но не постигнале ништо. После неколку минути, учителот ги прашал:

– Па, како поминавте?

– Никако! Плимата и осеката постоеја, без разлика на тоа што правевме ние.

Учителот се насмевнал на ова, па им одговорил:

– Па, исто така е и со патењето. Тешките моменти доаѓаат и си заминуваат, независно од тоа како постапувате вие.

Она што можете да направите е да бидете трпеливи и да чекате да поминат…

Facebook Comments
No Comments Yet

Leave a Reply

Your email address will not be published.