За време на топлите летни денови, благите пиперки се вистинско освежување, а начинот на нивна подготовка може да биде различен.
За љубителите на свежи состојки и лесни и брзи рецепти, овие пиперки, полнети со авокадо и песто (вид италијански сос), сигурно се одлично решение.
Начин на подготовка:
Од пиперките отстранете ги дршките и потоа низ отворот исчистете ги од семки. Потоа во сад, со виљушка или пак во блендер, измешајте го авокадото и пестото се додека не добиете кремаста смеса. Додајте малку сол.
Земете готварско ќесе, направете мала дупка на ќошето, па наполнете ја со смесата од авокадо и песто. Кремот од ќесето нанесете го низ отворот во подготвените пиперки. Вкусните полнети пиперки послужете ги како предјадење или како прилог со главното јадење.
|
Потребни состојки: 10 мали благи пиперки 2 парчиња зрело авокадо 2 лажици песто. |
И секако, не заборавајте на вашите пријатели, кои можеби во моментот не се со вас, но сигурно би сакале да го пробаат овој прекрасен рецепт.. и тоа само во друштво на добра и тивка музика. Па, свртете некој телефон и повикајте некој од вашите пријатели. Од нив нека биде пијалакот, а од вас ручекот…
{youtube}lwlogyj7nFE{/youtube}
Пријатен апетит …
