Многу тажна вест, почина големата холивудска ѕвезда на 65 годишна возраст – ги љубеше Синди Крафорд, Шер и Анџелина Џоли, но заврши сам
Вал Килмер, познатиот холивудски актер, почина на 1 април 2025 година во Лос Анџелес на 65-годишна возраст, како последица од пневмонија. Килмер, кој во 2014 година беше дијагностициран со рак на грлото, стана славен по улогите во филмовите „Топ ган“ и "Бетмен засекогаш".
Во своите мемоари од 2020 година, Вал Килмер напиша: „Немав девојка 20 години. Вистината е дека секој ден се чувствувам осамено.“ Иако своевремено важеше за еден од најголемите заводници во Холивуд, на крајот остана сам и со скршено срце.
Познат по својот привлечен изглед, Килмер имаше бурен љубовен живот, во кој беа вклучени некои од најпознатите жени од светот на филмот.
Неговите врски опфатија светски имиња како Дарил Хана, Мишел Монахан, Синди Крафорд, Анџелина Џоли и Шер.
Љубов, па пријателство со Шер
Во осумдесеттите години, Килмер имаше страсна романса со Шер, полна со интензивни чувства и заемна поддршка. Иако нивната врска заврши, тие останаа блиски пријатели со децении. Кога актерот се бореше со рак на грлото, Шер му овозможи засолниште во нејзиниот гостински дом, покажувајќи дека нивната поврзаност останала силна и по раскинувањето.
Бракот со Џоан Воли
Неговиот единствен брак беше со британската актерка Џоан Воли, со која се венча во 1988 година, откако се запознаа на снимањето на филмот „Willow“. Од овој брак глумецот имаа две деца – ќерката Мерцедес и синот Џек (кој продолжи по стапките на татка си станувајќи глумец). Но нивниот брак траеше девет години и заврши со развод во 1996 година, обележан со лични и финансиски проблеми.
Романса со Анџелина Џоли
По разводот, Килмер се вљуби во Анџелина Џоли за време на снимањето на филмот „Александар“. Во своите мемоари откри дека бил толку заљубен што сакал да ѝ купи авион Gulfstream и да нашише „V+J“ во боите на виножитото на опашката на авионот. Сепак, нивната врска не прерасна во нешто подолготрајно, бидејќи Џоли набрзо се заљуби во Бред Пит за време на снимањето на „Господин и госпоѓа Смит“.
Неговата најголема љубов – Дарил Хана
И покрај сите овие врски, Килмер во своите мемоари призна дека неговата најголема љубов била актерката Дарил Хана. Тој откри дека раскинувањето со неа му било најболното искуство во животот.
„Знаев дека засекогаш ќе ја сакам со целото срце и дека љубовта никогаш нема да ја изгуби својата сила. Сѐ уште сум заљубен во Дарил. Кога конечно раскинавме, плачев секој ден половина година,“ напиша тој.
