Цитроните се познати антиоксиданси и имаат силно антибактериско дејство. Богати се со витамини А, Б, Д, Е и првенствено витамин Ц, како и со минерали – калциум, фосфор, магнезиум, манган, цинк, бакар и железо.
Со цитрон можете да направите еден познат еликсир за убавина и здравје кој ќе ви помогне и да се чувствувате подобро и да изгледате подобро. Се што ви е потребно за оваа чудесна напивка е еден голем зрел цитрон и лажичка мед, по желба. Се зема еден цитрон, по можност ладен, од фрижидер, се сече на половина и со лажица се вади внатрешноста. Внатрешноста на цитронот и медот се ставаат во блендер и се мешаат додека не се добие воедначена смеса. Овој пијалак се пие по ручек, околу дваесетина минути по јадењето, и ги согорува скоро половината калории што сте ги внеле во текот на ручекот.
Цитроните содржат пектин кој помага за ефикасно излачување на вишокот холестерол, го намалува нивото на инсулин во крвта и го нормализира метаболизмот. Истражувањата покажуваат дека ако јадеме цитрон секој ден лошиот холестерол ќе се намали за 15,5 отсто, а триглицеридите за дури 27 отсто. Цитроните исто така содржат и ликопен кој го помага исфрлањето на отровите и штетните материи од организмот. Цитронот има лековите дејство при болести на кардиоваскуларниот систем и висок крвен притисок. Освен тоа, цитронот содржи бројни состојки кои помагаат во борбата со настинките, а докажано спречува појава на одделни видови на канцер и срцеви болести.
Треба да се земе во предвид дека цитроните го зајакнуваат делувањето на одредени лекови, па доколку земате некоја редовна терапија, консултирајте се со вашиот доктор.
