Нов шокантен случај на измачување на животно во Македонија – ако имате било каква информација за овој човек, пријавете го! (вознемирувачка содржина) (+18)
Нов монструозен чин во Македонија
Здружението за заштита на животните Анима Мунди на Фејсбук сподели фотографија на која се гледа нов шокантен случај на измачување на животно и негово убивање од страна на лице кое управува со возило. Тие објавија фотографија на која се гледа автомобил како влече мртвото животно и побараа информација за сопственикот на возилото.
Еве го нивниот текст во целост:
„Монструми живеат меѓу нас, нема крај на изживувањата врз животните во Македонија! Информирани сме за нов шокантен случај на измачување на животно и негово убивање од страна на лице кое управува возило марка фолцфаген со прилепска регистрација рег.ознака PP-199-CI. Помогнете ни со дополнителни податоци доколку знаете нешто повеќе! Го комплетираме случајот и против садистот ќе биде поднесена кривична и прекршочна пријава – вакви психолошки девијантни лица инсистираме да добијат најстрога казна и одговараат без можност за олеснителни казнени мерки. Да одговараат за ѕверството кое го починиле и кое ќе го повторат пак доколку не се интервенира на време! Бараме создавање на законска можност за овластување на здруженијата за заштита на животните во служба за превенција/евиденција/санкција на насилството врз животните бидејќи до сега се востанови дека здруженијата де факто се основен носител на таа дејност во Македонија со што помагаме во детектирање/надминување на насилството во национални рамки. Повеќе од очигледен е фактот дека насилството врз животните е декаден срам и обележје на Република Македонија кое за жал е видливо само за активистите и љубителите на животни. Бараме за насилниците најстрога казна затвор! Споделете!“
