Нема девојка што не би сакала да ги има нејзините високи потпетици инспирирани од филм

Погледнете ги новите високи потпетици на Викторија

Викторија Бекам се појави во парчиња од нејзината лимитирана колекција „Tuxedo“ (за ова нејзино издание веќе ви пишувавме), но она што посебно ги воодушеви нејзините обожаватели се црвените високи потпетици со светки. Нивното име е Дороти и се инспирирани од легендарните црвени чевлички од култниот филм „Волшебникот од Оз“ што ги носеше девојчето Дороти. Убедени сме дека можете да најдете сличен модел од продавниците на познатите комерцијални брендови, но конкретно овој, од колекцијата „Tuxedo“ на Викторија, ќе треба да издвоите 515 британски фунти или во превод некаде околу 36.000 денари. Инаку, Викторија нив ги носеше со чанта во слична нијанса, чија цена е уште подраматична (995 фунти).

Покрај овие чевли Викторија еден модел со ниски „блок“ потпетици го крсти според нејзината ќеркичка Харпер за кои ќе треба да издвоите „само“ 495 фунти. И не, тие не се наменети само за мали девојчиња, туку за возрасни девојки кои носат броеви од 36 до 41.