Никогаш не терајте го детето да ги прави овие работи. Не правете ги и вие овие родителски грешки!
Родителството е најголемиот, но и најтешкиот предизвик во животот кон кој треба да пристапиме одговорно и свесно. Никој не може да биде совршен, но важно е да се биде добар родител. Еве кои родителски грешки се најчести, па обидете се да не ги правите и вие.
Не терајте го детето да јаде ако не е гладно
Лекарите советуваат три големи оброка дневно и пет помали, меѓутоа, треба да имате на ум дека секое дете е различно.
Не форсирајте го да биде она што не е
Ако вашето дете е срамежливо, прифатете ја таа негова особина и не обидувајте се да го менувате. Не терајте го да се дружи со многу деца, ако сака да си игра само со еден најдобар другар.
Не треба да се извинува ако не знае каде згрешило
Честопати ќе слушнете како родителите им наредуваат на децата да се извинат поради одредени работи. Децата ќе се извинат, но всушност не знаат што лошо направиле. Затоа, објаснете им каде грешат.
Не инсистирајте да им мавне со рачето на сите кои поминуваат
Правилото „не зборувајте со странци“ им помага на децата да се заштитат од оние чиишто намери не се добри.
Не присилувајте ги да спијат во свое креветче ако не се спремни за тоа
Секој родител има свое мислење, но, генерално, децата не треба да ги присилувате да прават нешто за што не се подготвени. Дозволете им самите да одлучат кога се спремни да спијат во своја соба и свој кревет.
