Скорпиите се мили личности кои секогаш се во потрага по вистината. Но, простувањето не им е силна особина.
Иако многумина ја сметаат Скорпијата за злобна личност, сепак, вистината е поразлична. Овие личности се доста чувствителни, знаат вистински да љубат и целосно му се предаваат и му се посветуваат на својот партнер. Од друга страна, пак, Скорпијата знае да биде незгодна, доколку си поигрувате со нејзините чувства.
Ако немате намера да играте игри и да ги повредувате овие личности, тогаш нема никогаш да ја запознаете нејзината темна страна. И спротивно, ако си играте со оган, тогаш Скорпијата од вашиот живот ќе направи вистински пекол, а нејзините постапки ќе ги паметите до крајот на својот живот.
Скорпијата тешко им верува на луѓето, па дури и кога е заљубена, тоа ѝ е проблем. Затоа, честопати го тестира својот љубовник, сакајќи да дознае колку тој ѝ е верен и лојален. Скорпијата знае да биде многу посесивна кога станува збор за луѓето кои ѝ значат во животот, а како резултат на тоа ја губи довербата во нив…
