Познатата актерка повторно се разведува – не е природно да се биде моногамна личност

Скарлет Јохансон и францускиот новинар Ромејн Дуријак и официјално го завршија двогодишниот брак од кој ја имаат тригодишната ќерка Роуз.

Иако светските медиуми очекуваа драматичен епилог на љубовната приказна помеѓу преубавата американска актерка и нејзиниот сопруг, парот својот брак го заврши достоинствено, коректно и без многу медиумска помпа.

Како причина за разделба се наведува популарниот термин „непремостливи разлики“ а деталите поради која ја донесе одлуката убавата актерка одлучи да ги зачува само за себе. „Остануваме блиски пријатели и родители, а старателството над нашата ќерка ќе го делиме заедно како таа би пораснала во најдобри можни услови, опкружена со љубов“ пишува во официјалната изјава на сега веќе поранешен брачен пар, пренесува US Weekly.

Преубавата русокоса актерка веќе во неколку медиуми потполно искрено зборува за своето искуство како мајка и родител, признавајќи дека тоа и е најважна животна улога која и донесе бескрајна среќа, но и многу предизвици. Позната по својата отвореност, таа призна и дека не е потполно уверена во поимот моногамија. „Мислам дека идејата за бракот е многу романтична. Всушност самата идеја е преубава. А практикувањето на истата може да биде убава работа. Сепак, мислам дека не е природно да се биде моногамна личност“ изјави искрено Скарлет за американското издание на Плејбој на почетокот од оваа година, а најверојатно нејзините ставови кумуваа и за крајот во љубовта со маркантниот француски новинар.