Се приближува Митровден – еве на што укажува овој ден, а што е забрането да се прави

Православните верници на 8 ноември го прославуваат денот на светиот великомаченик Димитрија, помеѓу народот познат како Митровден. Свети Димитрија е роден во Солун. Бил син единец, а неговиот татко бил солунски војвода, кој тој го наследил.

ФОТО: Printscreen

Според народното верување, на овој ден секој треба да остане во својот дом и тука да преспие, затоа што во спротивно во текот на целата година ќе спие надвор од неа. Исто така се смета дека сите работи на полето треба да се завршат до Митровден, затоа што времето после овој празник е променливо, па зимата може да изненади во секој миг.

Се верува дека времето на Митровден покажува каква ќе биде зимата која ни претстои. Ако денот е сончев, зимата ќе биде блага, ако на Митровден падне снег, се верува дека зимата ќе биде долга и ладна.

Како и на секој празник, така и на овој ден не треба да се карате со другите и да ширите негативна енергија во домот, па затоа, најдобро е да бидете сталожени и позитивни кон своите најмили, зашто таква година ќе ве прати. Прославете го овој празник во кругот на вашето семејство, пријатели и во топла домашна атмосфера.

 

(Visited 160 times, 1 visits today)