Режија: Gus Van Sant
Сценарио: Dustin Lance Black
Улоги: Sean Penn, Josh Brolin, James Franco, Emile Hirsch
После “Last Days” во 2005г., култниот американски режисер Gus Van Sant ни се претставува со уште еден биографски филм, овој пат за животот на најголемиот борец за цивилните права за gay заедницата, Harvey Milk. За разлика од претходно споменатиот претходник, “Last Days”, во кој ни ги дава последните неколку дена на Kurt Cobain, исполнети со многу психоделија и агонија, овде Van Sant, постепено ни го дава периодот од 1970 до 1978 година, односно последните 8 години од животот на Harvey Milk. Ова воедно се и најлуцидните и најкреативните години од неговиот живот, во кој ги поставува главните постулати во својот живот и ги пренесува во своето политичко движење, кое доведува до донесувањето на првите ANTIGAY закони во Америка, формирањето на доволно моќно политичко лоби и избор на првиот GAY градски супервизор во San Francisco и Америка.
