Меган Маркл во црни, широки панталони ни покажа фантастично зимско издание!
Совршено кежуал издание на Меган Маркл
Познатата актерка заедно со принцот Хари на еден официјален настан се појави во совршено кежуал издание. Имено, војвотката носеше црни елегантни, широки панталони и на тој начин ја прескокна традицијата која налага носење фустани или здолништа кои што припадничките на кралскиот двор ги носат најчесто во ваквите пригоди. Но ѕвездата на серијата „The Suits“ го демонстрираше својот нов дрес-код надополнувајќи ја комбинацијата со прекрасен капут во сива нијанса и црни високи потпетици. Од модните додатоци ќе го истакнеме шалот во нијанса која потполно одговара на капутот како и трите прстени што ги носеше на интересен начин како што тоа го прават и искусните модни блогерки.
Тука е и нејзината ниска, опуштена пунџа со неколку прамени кои паѓаа на нејзиното прекрасно лице покриено со децентна шминка.
Сé на сé можеме слободно да кажеме дека идната принцеза совршено го заокружи целото издание и ни демонстрираше одлична зимска комбинација која одвај чекаме да ја пробаме и ние во периодот што следува.
