Драги Близнаци, летото веќе е пред нас, а вас ве очекуваат неверојатни работи.
Волшебната Венера до 4 август ќе ви донесе љубов, прекрасни чувства, страст и романтика каква што не сте почувствувале до сега. Ако сте осамени, сега ќе имате прилика за нови познанства и треба да ѝ пружите шанса на личноста која одамна се труди да ве освои. Во текот на летото ќе бидете многу активни на емотивен план.
Вие ќе ги привлекувате луѓето со својата харизма и неверојатен шарм, а Венера на вашето поле на љубовта ќе биде активна и во септември, што ви носи прекрасна енергија и сензуалност. Ако поради претходни погрешни избори малку сте разочарани, судбината сега ви дава шанса за неверојатна средба до крајот на летото. Оние кои се во врска ги очекува убав и складен однос со нивниот партнер.
Исто така и на работното место ве очекуваат многу позитивни случувања кои на повеќе полиња ќе ве доведат до успех. Ако барате работа, идеален период е во август или септември. Ве очекуваат добри понуди и вреднување на вашите квалитети. Ќе бидете ефикасни и во проектите кои бараат многу труд.
Па, подгответе се за претстојното лето и освојувјате ги височините!
