Шпанската кралица Летиција во издание што може да им стои убаво како на послабите така и на покрупните жени

Жена која не знае да погреши кога е модата во прашање

Откако покажа дека и дамите од кралскиот двор можат да носат кратки фустани и го воодушеви сите со нејзиното провокативно издание, шпанската кралица повторно е во центарот на вниманието. Овој пат во прашање е беспрекорно деловно издание во темносива боја кое се состои од комплет од тесни панталони со рамни ногавици и затворена блуза која потсетува на блејзер – струкиран, од цврст материјал, со нагласени раменици.

Комплетот што го носи е совршен избор доколку сакате да го сокриете вишокот и да ја истакнете половината, а претставува и одличен трик ако сакате да изгледате послабо и притоа да создадете привид на тело во форма на песочен часовник.

Летиција комбинацијата ја зачини со чевли со високи потпетици во малку посветла сива нијанса и плико чанта од змиска кожа во слична нијанса.