Куриозитети за виенскиот новогодишен концерт и што ќе гледаме на 1 јануари – и цвеќињата комуницираат како музиката
Кога Виенската филхармонија ја слави новата година со музика, целиот свет ја гледа.
Маестро Рикардо Мути ќе диригира во Златната сала на Musikverein на 1-ви јануари 2025 година. Музика од Јохан Штраус II (2025 година ќе ја одбележи неговата 200-годишнина!), на неговото семејство и на неговите современици (за прв пат ќе биде изведено дело од жена-композитор), ќе не придружуваат на првиот ден од новата година, ветувајќи позитивна енергија, врвна уметност и радост.
View this post on Instagram
Маркетинг
Виенскиот државен балет пак, ќе ја маѓепска публиката со балетски и танцови изведби за време на паузата.
Најпознатиот концерт во светот на 1 јануари го следат 50 милиони гледачи во повеќе од 90 земји. Да се биде присутен во Виена на тој ден бара и малку среќа, бидејќи билетите за секој годишен концерт се извлекуваат преку веб-страницата на Виенската филхармонија поради огромното побарување.
Сала како цветна градина
Од 1939 година, секој 1-ви јануари, салата Musikverein се трансформира во цветна градина каде се среќаваат класичната музика и извонредните декорации за да го прослават почетокот на новата година.
Но, што ги прави овие цветни аранжмани толку посебни? Зошто да потрошите толку време и труд за само еден ден, претставувајќи совршени цветни аранжмани? Одговорот е едноставен: затоа што цвеќињата, освен што се убави, комуницираат, исто како и музиката.
Од 1981 до 2013 година, цветните композиции за новогодишниот концерт во Виена беа италијанска гордост: доаѓаат од градот Санремо, и беа резултат на долгата соработка помеѓу Италија и Австрија. Сепак, подоцна Градот Виена ја презеде задачата на аранжирање цвеќиња, одржувајќи ја традицијата со внимание на најмалите детали и симболичните значења.
View this post on Instagram
Симболика и комбинација на бои на цвеќињата
Цветните украси не се само декоративен елемент, туку се дел од кореографијата на Новогодишниот концерт, дизајнирани да го засилат визуелното и духовното искуство на настанот.
Изборот и составувањето на овие цветни аранжмани не е едноставна работа: бара месеци подготовка и уметничка чувствителност способна да изрази, преку бои и форми, пораки на надеж, радост и најдобри желби за годината што започнува.
View this post on Instagram
Цвеќарите често работат цела ноќ за да ги завршат аранжманите пред утринскиот концерт, за цвеќињата да бидат свежи и бујни, подготвени да ја воодушеват публиката.
Изборот на цвеќе се заснова на низа критериуми: симболика, комбинации на бои во согласност со салата, но и аранжани поврзани со годишната тема.
Друг логистички предизвик е транспортот на цвеќињата: тие мора да пристигнат свежи, издржувајќи ги временските неприлики и неочекуваните настани при патувањето, а се тоа треба да биде доставено за неколку часа.
View this post on Instagram
Традиција родена за време на војната
Првото издание на Виенскиот новогодишен концерт датира од 1939 година, за време на анексијата на Австрија од Германија. Сепак, настанот набрзо станал симбол на мирот и надежта за иднината.
Од радио на телевизија
Концертот почнал да се емитува на телевизија дури во 1959 година, дваесет години по неговото основање. Благодарение на телевизијата, Новогодишниот концерт во Виена стигна до светската публика, станувајќи омилен концерт на првиот ден од годината за милиони луѓе.
Странски диригенти
До 1979 година, на сите концертни диригенти биле Австријци. Прв странски диригент бил американскиот маестро Лорин Мазел, која пет пати диригирал со Виенската филхармонија.
Италијанскиот маестро Клаудио Абадо диригирал двапати, а маестро Рикардо Мути, кој годинава ќе се врати да диригира, ќе диригира по седми пат во кариерата.
Прва жена член на оркестарот
За да ја видиме првата женска членка на оркестарот меѓу Винерската филхармонија, требаше да почекаме до 1997 година, кога харфистката Ана Лелкес ја прекина исклучиво машката традиција која траеше 150 години. Ова претставуваше револуција во светот на виенската класична музика.
Три концерти во еден
Иако концертот на 1-ви јануари е најпознат и најпренесуван во светот, во деновите пред него има уште две изведби: една на 30-ти декември (резервирана за претставниците на австриските вооружени сили) и еден на 31-ви, и двата концерта се со истата програма од 1 јануари.
