Конфекциските броеви се бесмислени! Не ни верувате? Еве ви доказ

Дали некога ви се случило да имате проблем со бројките на облеката во различни продавници? Еве зошто не треба да се грижите заради тоа.

Дали знаевте дека Мерилин Монро носела конфекциски број 42? Во педесеттите години на минатиот век, оваа бројка се сметаше за разумна величина за манекенките. Воопшто не се сомневаме дека денес Мерилин би завршила како „плус-сајз“ модел и постојано би добивала бројни совети за диети и коригирање на исхраната.

Денес идеална бројка за фит дами е 38-ка. Но тука не е крајот на нашите маки, бидејќи бројките се разликуваат од продавница до продавница, па така во еден бренд ќе ве собере во 38-ка, додека во друга продавница ќе се мачите да влезете во 42-ка.

{youtube}7QwlT5f7H1c{/youtube}

Дион Ли репортерка од „Vox“, одлучи да проба како и стојат фармерки од различни брендови, Нејзината величина е 34, но во секоја продавница морала да земе различен конфекциски број. Па, дали се прашувате зошто е тоа така? Од многу едноставни причини – не можете секое женско тело да го ставите во ист калап, па дури и кога две жени носат иста бројка, нивните гради и колкови се различни, па она што на едната ќе и стои совршено, на другата ќе и преставува проблем бидејќи одвај ќе се вовлече во тој број. Затоа кога следниот пат нема да можете да влезете во сопствениот број, не грижете се, бидејќи не е до вас, туку до произведувачот.