Кендал во чизмите зачинети со Сваровски кристали
Кендал Џенер овој викенд наполни 22 години, а во центарот на вниманието на роденденската забава беа нејзините нови скапоцени чизми од Сен Лорен. Станува збор за моделот „Laurent Niki Swarovski Crystal-Embellished Leather Knee Boots“ кој е посипан од дури три илјади Сваровски кристали поради што и цената е кристално скапа. Имено, тие чинат околу 8000 евра, а досега ги имаат носено Селин Дион и Ријана, но и српската пејачка Јелена Карлеуша која ги сруши социјалните мрежи во регионот кога прв пат се појави во нив.
И додека Карлеуша ги носеше на нејзиниот настап, но и пред телевизиските камери Кендал Џенер покрај роденденската забава ги носеше и на кошаркарски натпревар на „LA Clippers“.
Таа за оваа пригода ги комбинираше со скинати фармерки со висок струк и кратка маичка со која го нагласи својот секси стомак.
