Дали ќе го намалите користењето на мобилен телефон ако дознаете како тоа влијае на вашето здравје?

Социјални мрежи, интернет, бизнис комуникација… ова се само неколку од причините пораид кои многумина не го испуштаат својот телефон од рацете. Со него многумина се будат, но и одат во кревет. Но, дали сте знаеле дека вашиот телефон може да биде причина за многу здравствени проблеми? Дел од нив ви прикажуваме во продолжение.

Бактерии

Едно истражување објавено во 2017 година открило дека на површината на телефонот често се наоѓа високо ниво на бактериски контаминации. Истражувачите претпоставуваат дека мобилниот телефон може да биде дури десет пати повалкан од ВЦ-школката. За со текот на времето тие бактерии не ви го ослабнат имунолошкиот систем, редовно чистете го телефонот.

Лош квалитет на сонот и проблеми со видот

Докажано е дека изложувањето на светлината од телефонот пред спиење може да ви го наруши квалитетот на сонот, односно да го намали природното производство на мелатонин, хормон заслужен за регулација на сонот.

Проблеми со ‘рбетот

Поголем дел од времето кое го поминувате користејќи мобилен телефон гледате на долу, а тоа може да остави негативни последици на вашиот врат. Таквата положба предизвикува мускулите, лигаментите и тетивите на вратот зголемено да работат, за вашата глава да остане во таа положба, што со текот на времето може да ослабнат мускулите и да имате болки, но и оштетувања.