Малечка и ситна, а секогаш одлично си ја врши работата – пет ситуации во кои сигурно ќе ја сакате
Безопасните игли, или популарно наречени само безопасни, се докажани пријатели и помошници во секое домаќинство.
Можеби досега сте ги користеле безопасните за да прикачите некој моден детаљ или пак закачени во панкерски фазон на скинати фармерки, но треба да земете во предвид дека овие мали нешта можат да бидат корисни и за сосема поинакви работи. Покрај тоа што ги користиме за да вденеме врвка или ластик во тренерките или јакната, безопасните можат да се искористат и во многу други ситуации и да ни го поедностават животот. Еве некои од нив.
Кога се брзате, а нема кој да ви го закопча фустанот
Кога не можете да го закопчате патентот од фустанот на грбот, односно не можете да го дофатите, закачете за него безопасна, па заврзете долг конец со кој лесно ќе го потегнете и ќе го закопчате фуистанот.
Заштита од арамии
Доколку одите некаде каде се очекува да има многу луѓе, закачете безопасна на патентот на чантата и потоа закачите ја за чантата. Потенцијалните џепчии во овој случај многу потешко ќе ви ја откопчаат чантата.
За спарување на чорапи
Пред да ги ставите чорапите за перење закачете ги со безопасна и поштедете се од нивното досадно спарување по перењето.
Спасете се од постојаното местење на прекривките
Закачете ја прекривката на фотелјата со безопасна и таа повеќе нема да паѓа или да се изместува, но внимавајте безопасната да не се гледа и да не постои можност да се боцне оној што ќе седи.
Декорација на домот
Со цврсто лепило залепете ги безопасните на задниот дел од украсни чинии и закачете ги како украси на кујнскиот ѕид. Направете го истото со уште неколку интересни чинии и ќе добиете совршена декорација на ѕидот.
За подобар сон
Доколку светлината која навлегува меѓу завесите ви пречи и ве буди секое утро, тогаш спојте ги краевите со безопасна и нема непотребно да се будите поради сончевите зраци кои ви паѓаат директно во лицето.
