Викторија Бекам ни одржа лекција како со обична црна ролка да изгледаме гламурозно

Кое од овие две изданија на Викторија Бекам ви се допаѓа повеќе?

Вики деновиве беше во Париз каде заедно со својот сопруг и синот Бруклин присуствуваше на ревијата на Луј Витон. По ревијата Викторија го посети Мадрид на покана од шпанскиот Вог, а со комбинациите што ги носеше при посетата ги воодушеви сите. И додека за свечената гала избра црвен фустан со затворено деколте и салонки во боја на лаванда, утредента, при излегување од хотелот познатата дизајнерка ги импресионираше сите со нејзината неодолива „off-duty“ комбинација. Имено, таа овој пат избра класична црна ролка во комбинација со здолниште со А крој со интересен црвено-бел дезен, а целата комбинација ја заокружи со кожните чизми во бордо нијанса од кои не се одвојува во последно време.

Па, кое од овие две изданија ви се допаѓа повеќе?