Мачките имаат посебни потреби, вклучувајќи ја и потребата за интеракција со луѓето.
Подучувањето на вашето дете да биде нежен сопственик значи да му помогнете да ги разбере и да ги почитува особините на овие животни. Однесувањето на мачките честопати не можат да го сфатат и возрасните, па не би требало да бидете изненадени што на децата им требаат насики за тоа како да живеат во склад со семејната мачка. Еве неколку совети кои ќе ви помогнат да ги соедините децата со едни од најубавите животни.
Научете го детето да го чита говорот на телото на мачката.Вашето дете треба да го научи говорот на телото на мачката, за да утврди кога е среќна и задоволна, а кога е подобро да ја остави на мир. На пример, опуштената мачка која ужива ќе се доближува до детето, ќе игра, ќе се гали.
Допирајте ја мачката на вистинскиот начин.Постои вистински и погрешен начин за да се допира мачката. Вистинскиот облик е со отворена рака и благи и нежни движења да ја галите, а погрешниот вклучува туркање, повлекување или грабнување на кој било начин. Ако вашето дете е мало, треба да ја ставите неговата рака врз мачката и заедно да ја галите.
Научете го детето правилно да ја држи мачката.Децата имаат изненадни и непредвидливи движења, а мачките не сакаат изненадувања. Затоа, од особена важност е да го подучите детето како да ја држи мачката. Фаќањето или присилното држање на мачката значи дека таа ќе го изгребе или ќе го удри.
