Ако сте еден од оние што до крајот на годината треба да добијат по 9000 денари и вашите газди не ви ги дадат парите, слободно тужете ги!

Право на овие пари имаат сите работници во приватниот сектор кои работеле кај истиот работодавач најмалку шест месеци во календарската година.

Според пресметките кои се темелат на просечната нето и бруто плата во Македонија, износот на К-15 за оваа година би требало да се движи од 9 до 13 и пол илјади денари што всушност претставува благо покачување во однос на минатата година каде што минималниот износ не надмина 9 илјади денари. До­кол­ку фир­ма­та не му испла­ти око­лу 8.500 де­на­ри на вра­бо­те­ни­от, и биде пријавена, ќе треба да пла­ти каз­на од 1.000 до 4.000 евра по работник, а ако и по пла­ќа­ње­то на каз­на­та, газ­да­та повторно про­дол­жи да ја иг­но­ри­ра оваа задол­жи­тел­на за­кон­ска об­вр­ска, вра­бо­те­ни­от мо­же да го ту­жи, по што ту­же­ниот ќе мо­ра да ги пла­ти си­те суд­ски тро­шо­ци, плус су­ма­та пред­ви­де­на за К-15. Рокот кој го имаат работодавачите за да го исплатат овогодинешниот надоместок за к-15 истекува на 31 декември, а голем дел од компаниите од приватниот сектор го чекаат последниот момент за да ги израдуваат своите работници. Меѓутоа, не е мал и бројот на компаниите кои минатата година не го чекаа декември за да ја извршат оваа исплата. Оваа година таков пример е компанијата Витаминка која што уште во јули исплати износ од 10.000 денари на основ К-15 на сите свои 570 работници.

Општиот колективен договор за приватниот сектор кој овозможува исплата на К-15 на работниците беше потпишан во 2013 година од страна на Сојузот на Синдикати на Македонија и Организавијата на работодавачи