Со искрено задоволство ви претставуваме еден наш успешен шампион во карате, Ферат Кербличи, кој заедно со неговиот карате клуб Металург ќе не претставува на европскиот карате шампионат во Финска.
Ферат и покрај неговите повреди, тој е повторно во форма, но овој пат посилен и со поголем мотив, а впрочем тоа и го докажа во Чачак, Србија. Неговиот следен предизвик е натпреварот во Финска, каде утре заминува заедно со неговиот КК Металург и од каде им посакуваме да се вратат со многу медaли.
Како се случи да го избереш каратето како спорт?
ФЕРАТ КЕРБЛИЧИ
Бидејќи бев хиперактивно дете, уште од мал ме интересираа спопртовите како карате и кик бокс, а во тој период каратето беше многу поактуелен спорт од останатите и затоа се одлучив токму за него.
На колку натпревари си учествувал досега?
ФЕРАТ КЕРБЛИЧИ
Со оглед на тоа дека каратето во последните години стана еден од најтрофејните спортови во државата, ние како клуб земаме учество на многу меѓународни турнири и светски лиги. Точната бројка не ја знам, но знам дека се многу…
Кои достигнувања би ги издвоил како посебни?
ФЕРАТ КЕРБЛИЧИ
Неколку години сум државен првак во категорија до 75 килограми, а во Тенерифе во 2012 го освоив 5-то место и истата година бев 7-мо на светското првенство во Париз.
Која ти е омилена ката (или удар) и која категорија ти одговара најмногу?
ФЕРАТ КЕРБЛИЧИ
Бидејќи се натпреварувам во категорија борби омилен удар ми е ура маваши. Што се однесува до категориите, најмногу ми одговара моменталната категорија – 75 килограми.
Се занимаваш ли со друг спорт/активност освен со карате?
Овој спорт бара вложување на многу напор и труд, и бидејќи тренирам секој ден, а понекогаш и два пати на ден, едноставно немам време за други активности надвор од каратето.
Колку овој спорт бара дисциплина, од што се состои твојата исхрана и дали имаш вреше за ноќен живот?
ФЕРАТ КЕРБЛИЧИ
Овој спорт бара голема дисциплина и посветеност, бидејќи за да се биде добар во него, потребно е да се тренира секојдневно. Немам некој посебен режим на исхрана, но се трудам да јадам што е можно повеќе овошје, зеленчук и протеини. Што се однесува до ноќниот живот и забавите, се обидувам да ги избегнувам, особено кога станува збор за деновите пред натпреварите и турнирите.
Автор: Амет
