Ако имаме топол дом и јадење на масата, тогаш треба да бидеме благодарни. Во продолжение ви прикажуваме кратки молитви кои треба да ги изговарате пред и после јадење.
Молитви пред јадење
Господе, ти благодарам за се’ што ни даде. Дарувај им и на оние кои немаат јадење, пиење, облека, куќа, родители и пријатели. Помогни им и на оние кои се болни и кои не можат да одат и да зборуваат. Благослови не’. Амин.
Драг Господе, ти ни даде се’. Имам добри пријатели и семејство и сум радосен/на поради тоа. Ти благодарам и на оваа храна и на секоја добрина која ни ја даруваш. Амин.
Боже, те молам секогаш да ни даваш нешто да имаме за јадење и не дозволувај да бидеме многу сиромашни. Исто така те молам да погледнеш на сите сиромашни во овој свет. Благослови ги луѓето на оваа маса и јадењето кое е пред нас. Амин.
Молитви за после јадење
Господе, добро се најадовме и добро се напивме. Ти благодарам што не’ нахрани и денес и те молам секогаш остани со нас. Амин.
Драг Господе, се чувствувам многу добро. На масата имавме се’ што ни треба. Секогаш се радувам и те споменувам со луѓето кои ги сакам. Те молам секогаш остани со нас. Слава ти.
Семоќен Боже, ти се заблагодаруваме на сите твои благодети. Ти си владетел на овој свет. Ти ни даруваш вода, кров, природа и здравје. Ти благодарам што ги примам овие дарови. Слава ти.
