Ако сте родител, многу добро знаете колку секојдневните обврски може да ве исцрпат. Си доаѓате од работа, ве чекаат децата, готвење, подготвување… Како да не сакате да се одморите барем половина час?
Меѓутоа, еден доста умен татко пронашол совршено решение. „Јас ќе се грижам за децата, а ти оди купувај намирници на мир“, ѝ рекол Мајкл Вебер на својата сопруга Моника.
Кога се вратила од пазарување, Моника имала што да види.
https://www.facebook.com/photo.php?fbid=162819024959501&set=p.162819024959501&type=3
„Тој е најгенијалниот тип кој сум го запознала. Им рекол дека мора да направат реалистична слика, додека тој им позира, односно спие. Победникот добива чоколадо, но, да бидеме искрени, тој е победник“, напишала Моника под фотографијата која ја видела кога се вратила дома.
Подоцна Моника објаснила дека нејзиниот сопруг се вратил од ноќна смена. Со оглед на тоа дека надвор било многу ладно и врнело снег, мислела дека е подбро да оди да пазарува сама.
„Кога се вратив дома го викнав најстарото дете да ми помогне, а тој ми рече дека мора да бидеме тивки, затоа што прават реалистична слика и ако татко им се помрдне, цел нивен труд ќе биде уништен.“
Иако постарите деца сфатиле што се случило, ја прифатиле идејата затоа што цртањето ги забавувало. Оваа фотографија измами насмевка на многу родители.
