„Долго очекуваниот проект, конечно ќе почне да се снима оваа година.“ Гитаристот на бендот Brian May потврди дека филмот на кој долго време се чека, ќе почне да се снима оваа година, а главната улога ќе ја игра Sacha Baron Cohen. Ова е сам дел од активностите кои ќе им се случуваат оваа година на членовите на бендот.
May вели: „ Работата се одвива одлично. Peter Morgan го направи планот за снимање, за кој сите се многу возбудени, а Sacha е крајно оддаден во подготовките за улогата на Freddy. Целиот тим се подготвува за снимање, покасно оваа година се очекува и новиот албум, во текот на 2012г. “
Оваа година е 20 годишнина од смртта на Freddy Mercury и 40г. од формирањето на бендот. Друг проект е снимањето на документарецот за бендот, со наслов “We Will Rock You” , галериска изложба на рани фотографии, со наслов “Stormtroopers in Stilletoes” и сет за реиздавање на албум со стари песни.
Во меѓувреме, книга со мемоари за Freddy исто така се спрема за публикување, покасно оваа година. Насловот е според позната песна на Queen, Bohemian Rhapsodies, напишана е од Robyn Dunford, а авторските права се на целиот бенд. Содржината се состои од анегдоти и коментари на членовите на бендот, пријатели, членови на фамилијата и долгогодишни фанови. Издавачката куќа Rock ‘ N ’ Roll Books истакна дека дел од парите од продажбата ќе бидат донирани на Mercury Phoenix Trust (Организација за борба против сидата). 
